Gipaklaro ni Beverly Anne Santos, spokesperson sa Office of Civil Defense Region 12, nga nagpabilin pang daghan ang mga pamilya nga nagpuyo sa mga evacuation center human sa sunod-sunod nga mga kalamidad nga miigo sa rehiyon.
Matod ni Santos, sa pinakabag-ong datos sa OCD-12, mikabat na sa 2,192 ka pamilya ang anaa sa 35 ka evacuation centers sa nagkalain-laing lugar sa SOCCSKSARGEN.
Gipasabot niya nga ang maong ihap naglakip sa mga pamilyang kaniadto nang nabakwit tungod sa miaging kalamidad ug wala pa makapauli sa ilang mga panimalay.
Nasundan pa kini sa bag-ong mga kalamidad nga nakaapekto usab sa ilang kahimtang.
Padayon ang koordinasyon sa OCD-12 uban sa mga lokal nga panggamhanan ug ubang ahensya aron masiguro nga mahatagan og igo nga tabang ug batakang panginahanglan ang mga apektadong pamilya samtang nagpabilin sila sa mga evacuation center.
