GENERAL SANTOS CITY – Nakasentro sa unsa ang direksyon sa nasud sa sunod nga lima ka tuig ang unod sa ikaduhang SONA ni Pangulogn Rodrigo Duterte.
Kini ang gibutyag ni si Cong. Pedro June Acharon Jr sa Ist District South Cotabato.
Matud sa kanhing mayor sa dakbayan, wala kaayo gilatag ni Pangulong Duterte ang mga accomplishment sa unang tuig niya sa pangatungdanan.
Gibutyag ni Cong. Acharon, daghan siyang gustong madungog gikan sa pangulo apan wala mahisgotan.
Lakip niini kalabot sa pila na kabuok ang misurender nga drug pusher og nadakpang courier, kahimtang sa ekonomiya, og bahin sa imprasraktura.
Apan girespito matud pa niya kon kini lamang ang gusto sa presidente nga ipaabot sa publiko.
Hinuon, gidayeg ni Cong. Acharon ang pagka-hands-on, pagka-prangka ingon man pagprayoridad sa pangulo sa mga kabus nga katawhang Pilipino nga ikumpara sa ubang nangaging presidente nga wala kini nahimo sa mubo lang nga panahon.
Gigraduhan ni Cong. Acharon og otso si Duterte sa mga nahimo karon alang sa nasud.
