Walay kahadlok nga atubangon sa Mexican challenger nga si Luis Angel Castillo ang defending champion nga si Melvin Jerusalem sa ilang away nga ipahigayon dinhi sa nasud .
Magsangka ang duruha sa Mandaluyong karong adlaw nga dominggo alang sa WBC minimumweight title.
Kini human nangante ang Mexican challenger nga may 21 daug walay pildi ug usa ang draw nga ilogon ang gihuptan nga bakus sa 30 anyos nga Pinoy boxer nga may 22 ka daug tulo ang pildi nga may 12 ang Knockout.
Kahinumduman nga nailog ni Jerusalem ang WBC belt pinaagi sa split decision batuk kang Yudai Shigeoka sa Japan kaniadtong Marso.
Kauban ni Jerusalem ang iyang trainer nga si Michael Domingo ug handler JC Mananquil sa Sanman Promotions samtang kang Castillo ang iyang trainer nga si Eduardo Montiel.
Kini ang labing una nga world boxing championship nga ipahigayon sa nasud sulod sa pito ka tuig ang nakalabay.
Nasuta nga si Former IBF super-flyweight champion Jerwin Ancajas ang main undercard, batuk kang Sukpraserd Ponpitak sa Thailand.
