GENERAL SANTOS CITY – Wala ginatugutan sa balaud ang pagbuhi sa mga idlas ug malala nga mananap sama sa gihimo sa bata nga taga San Isidro, Tampakan sa South Cotabato.
Kini ang pahayag ni John Rey Binibini Wildlife Enforcement Officer sa Municipal Environment and Natural Resources Officer (MENRO) Tampakan.
Pagsaysay niini nga kaniadtong nakalabay nga adlaw ilang nakita ang video nga gi post ni Gina Alquizar silingan sa bata nga nagpangalan ug Kevin Conde nga maoy nagdakop sa cobra ug dayon ilang giimbestigahan.
Mitawag usab ang usa ka Konsehal sa Barangay ug nagpatabang nga kuhaon na ang cobra nga kustudiya sa pamilya Conde tungod daghan ang mga bata sa lugar ug delikado ang gihimo nga pagbutang sa aquarium sa nahisgutang bitin.
Pinaagi matud pa sa pagtugot sa labaw sa maong buhatan ilang giadtu-an ang lugar kuyog ang pipila ka Barangay Opisyal ug ilang gikumpiska ang usa ka Philippine Cobra.
Karon matud pang adlawa ilang buhi-an ang nahisgutang halas tungod may go signal na sa taga PENRO.
Nagpasidaan usab kini sa publiko nga dili magbuhi ug mga mananap nga hapit na mahurot ang kaliwat o kaha mga malala nga mananap nga peligro kung makapaak.
