GENERAL SANTOS CITY – Patay ang usa ka mekaniko human nga gipusil patay sa riding in tandem criminals sa area of responsibility sa Fatima Police Station, Dominggo sa hapon.
Giila ang biktima nga si Federick Pundador, 40 anyos nga residente sa Employees Village Brgy. Fatima ning dakbayan.
Natigayon ang pagpamusil sa mga nakamotorsiklo nga suspeks samtang ang biktima ang muparada pa lamang sa iyang motorsiklo atbang sa motorcycle shop nga gidumalahan niini.
Gikabutyag nga nakaangkon og samad pinusilan ang biktima sa iyang likod nga lahos nga hinungdan sa iyang hinanaling kamatayon.
Ang biktima ang nakahapa sa likod nga bahin sa motorsiklo niini nga natumba. Wala pa mnasuta sa kapulisan kon unsang matang sa pusil ang gigamit sa gunmansa pagtiro sa biktima.
Padayon pang nakig-alayon ang kapulisan sa asawa sa biktima aron masayran kon aduna bay atraso o nakabangi ang bana niini una sa pagpamusil.
Padayon pa ang pagpangalap og ebidensiya sa kapulisan aron masayran ang motibo o mailhan ang mga suspek.
