GENERAL SANTOS CITY – Karong adlawa na ipahigayon ang panagpulong sa mga barangay kapitan sa dakabyan sa Heneral Santos.
Matud kang Kapitan Ritchie Matutina sa Barangay City Heights mahinongdanon nga may quorom atol sa tigom , sumala kaniya nga himuon ang sesyon sa Liga ng mga Barangay aron hisgutan ang kalabutan sa eleksyon sa mga mahimong bag-o nga opisyal.
Gumikan niini may mga ginatuboy na ang matag partido aron mahimong presidente sa Association of the Barangay Captains (ABC) sa syudad.
Sa pahayag ni Kapitan Matutina nga nakadawat siya og sulat kung diin gideklarang bakante ang tanang mga posisyon sa ABC kini gumikan ang kasamtangang presidente nga si Labangal Brgy Captain Lorelie Pacquiao ang midaug isip mayor sa nakalabay nga eleksyon.
Tungod niini mahimong bakante ang posisyon sa ABC oras nga mulingkod si Pacquiao pagka Mayor sa syudad sa Hunyo 30.
Una ng gibutyag ni Kapitan Rock Garay nga Rule of Succession ang himuon ug dili eleksyon sa Liga ng mga Barangay aron mulingkod nga ex-officio member sa Sangguniang Panlungsod.
