GENERAL SANTOS CITY – Sunod nga ipatawag sa Sangguniang Panlungsod kalabutan sa gipahigayong investigation in aid of legislation sa mga naghitak nga mga investment schemes sa syudad ang mga miembro sa media.
Matud pa ni Kagawad Edmard Yumang nga gikatakda kini sa Septiembre 25, 2019.
Sunod nga iyang ipatawag sa Septiembre 26 ang mga trabahante, coordinators og agents.
Kini gumikan ang empleyado ang mabilanggo tungod sila ang nakaprontalya sa operasyon samtang sa Sept. 27 ipatawag ang mga biktima.
Sa pamahayag ni Yumang nga wala gidungan sa pagpatawag ang mga nalambigit og mga biktima aron makalikay sa kagubot.
Sa natigayong investigation in aid of legislation kagahapong adlawa mitambong ang mga nagkadaiyang representante sa Department Trade and Industry (DTI), Cooperative Development Autority (CDA), business permit personnel, mga negosyante, city prosecutors office kung asa gihisgutan ang maong isyu.
Gibutyag ni Yumang nga ang gusto niya mahitabo nga proactive ang lokal nga gobyerno nga dili hulaton nga daghan mabiktima.
Maghimo kini og balaod nga makaaksyon gilayon sa mga aktibidad nga may kwestyon aron maproteksyonan sa gobyerno ang katawhan.
Sa pamahayag ni Yumang nga gihimo ang sa ingon aron dili subli mabiktima ang katawhan sa mga investment scam.
