GENERAL SANTOS CITY – Mechanical engine trouble ang gitudlong rason sa pagkahagsa sa usa ka private chopper sa Sitio Glandang Brgy. Kablon Tupi, South Cotabato, kagahapon sa buntag.
Kini ang gibutyag sa Bombo Radyo ni Police Chief Inspector Lemuel Josef Clarete, acting chief sa Tupi Municipal Police Station, base matud pa sa inisyal nga imbestigasyon.
Gikabutyag nga bag-o lang mi-take off ang chopper nag padulong unta sa Surallah, South Cotabato, dihang kalit napalong ang makina, hinungdan nga nahagsa, alas-10:00 kaninang umaga.
Kahibaluan nga sakay sa nahisgutang chopper ang piloto nga si Dennis Figueroa, kauban si Dr. George Gonzales, ug mga taga- Europa nga silang Cecilia Donaire at Alicia Bingco, nga pulos matud pa mga executives sa usa ka pribadong kumpanya.
Nabalhin na sa usa ka pribadong tambalalan dinhi sa siyudad ang mga nasampit, ug kasamtangang gapa-recover, human nakaangkon ug minor injuries.
Padayon karon ang gihimong imbestigasyon sa mga otoridad, kung asa nasayran nga mukabat sa P30 milyon ang damyos sa naasoy’ng chopper.
