GENERAL SANTOS CITY – Dili lamang dinner ang himuon ni Sen. Manny Pacquiao kung madayon ang pag-adto sa Gensan ni Retired Five Division World Champion Floyd Mayweather Jr.
Gibutyag sa Bombo Radyo ni Pacquiao nga iyang gi-imbitahan nga magdula og basketball si Mayweather sa iyang mansion aron makahinabi og personal human gibutyag ni Mayweather nga edaran na para sa rematch sa Fighting Senator.
Sa miaging adlaw nagkaistorya sila ni Floyd sa telepono kung asa gi-kumusta niya kin og gisultihan nga mag-enjoy sa pagbakasyon sa nasud.
Kagahapon, misalang sa 12 ka punch mitts ang fighting senator ug nagpahigayun ug double end ug speed ball sa Wild card gym kauban ang All-Filipino Team sa pagpanguna ni Chief Trainer Buboy Fernandez.
Subling mihuot ang dagan sa trapiko atubang sa gym sa San Miguel St ning syudad tungod kadaghanan sa mga pedikab driver ang gasilip sa idolong si Pacquiao sa pormal ng pagsugod sa iyang heavy training.
Kahinumduman nga gikumpirma ni Pacquiao nga gikuha ang serbsiyo ni Nonito Donaire Sr. og gihimong Assistant Coach sa iyang training camp.
