GENERAL SANTOS CITY – Aminado si Datu Piang Mayor Victor Samama Al Haj nga gisayangan kang Police Captain Ismael Bayona, chief of police sa Datu Piang, Maguindanao tungod sa pa-relieved human ang natigayong pag-atake sa nasampit nga lugar.
Matud pa sa mayor maayo ang performance ni Bayona hilabi na sa pagpatuman sa mga balaud.
Sumala pa ni Mayor Samama nga ang pag-relieved kay Bayona aron dili na matud pa musamot ang kalagut sa grupong Bangsamoro Freedom Islamic Figthers (BIFF).
Migawas sa imbestigasyon nga ang nahisgutang opisyal maoy target sa grupo nilang Karialan Saga Animbang sa Karialan faction sa BIFF ug Kumander Sukarno Guilil alias Motorola.
Gisaysay sa Mayor nga niadtong gabhiuna dihang nangabut ang mukapin gatus ka sakop sa BIFF ginasinggit sa mga nahisgutan ang panglan ni Bayona.
Nagtuo ang kadaghanan nga walay laing tumong ang nahisgutang mga armado kundi ang chief of police.
