GENERAl SANTOS CITY – Mas maayo nga ipailawom sa testing sa mga dagkong kompanya ang tanan niining empleyado aron masayran kung natakbuyan sa coronavirus disease.
Matud pa ni Mayor Ronnel Rivera, kini ang medyo dugay nga nahisgutan atul sa gipahigayong tigum kauban sa COVID 19 Task Force, General Santos City Chamber of Commerce and Industry, Incorporated og uban pa dungan sa paghisgot aron lugwayan ang General Community Quarantine ngadto sa October 15, 2020.
Gibutyag sa mayor nga pwedeng kining himuon sa mga malls og uban pang dagkong kompanya o negosyo nga adunay daghang empleyado.
Gipasiguro lamang ni Mayor Rivera sa mga kompanya nga dili ‘salary deduction’ sa empleyado ang gibayad alang sa testing kun dili abagahon kini sa kompanya nila.
Sa pamahayag sa mayor importante nga musunod ang kompanya sa protocols og makiglambigit sa City Health Office og sa Rural Health Unit sa matag barangay.
