-- ADVERTISEMENT --
Mibisita si Mayor Jun Sumbo uban si Incident Commander ug MDRRMO Bon-bon Quiño sa haya sa siyam ka mga biktima sa landslide incident nga nahitabo niadtong Hulyo 10, 2026.
Gihimo ang pagbisita kagabii, Hulyo 15 sa Angel Funeral Homes, diin gipakita sa mga opisyal ang ilang pakig-uban ug suporta sa mga pamilya nga nawad-an og mga minahal sa kinabuhi tungod sa trahedya.
Nag-ampo usab sila alang sa kalag sa mga namatay ug alang kang Baby Saviour, ang bata nga wala pa makita ug padayon pang gipangita sa Search and Retrieval Team.
Nagpadayon usab ang operasyon sa pagpangita samtang ang mga pamilya sa mga biktima nag-atubang sa kasakit tungod sa pagkawala sa ilang mga minahal.
