GENERAL SANTOS CITY – Andam na si Gensan Mayor Lorelie Pacquiao nga muatubang sa mga Generals aron i-report ang nahimo sa iyang administrasyon sulod sa unang usa ka gatus ka adlaw sa serbsiyo.
Ipahigayon sa Mayor ang iyang pagreport alas dyes sa buntag karong Oktubre katorse adlaw nga Byernes sulod sa Word For Everyone Church, sa Barangay City Heights ning Syudad.
Basi sa gipagawas nga pahibalo ni City Information Officer Rombel Catolico nga limitado lamang ang lugar sa mga sakop sa Media ug dinapit nga bisita apan gipaniguro nga makita gihapon sa mga residente ang mga aktibidad sa lugar pinaagi sa social media.
Nasuta nga pipila ka aktibidad nga giatenderan sa Mayor sa nakalabay nga semana mao ang pakigkita sa mga Senador aron sa pagpangalap ug pundo alang sa mga proyekto nga ipatukod dinhi sa Syudad.
