Mayor sa Rizal, Cagayan og 2 nga kauban patay human gipamusil samtang nangampanya

Padayon ang imbestigasyon sa mga otoridad kabahin sa pagpusil patay sa mayor sa Rizal sa probinsya sa Cagayan nga si Mayor Atty. Joel Ruma.

Base sa inisyal nga imbestigasyon sa mga otoridad nahitabot matod pa ang insidente samtang nagpahigayon og pagpangampanya ang mayor sa Barangay Iluru Sur, Rizal alas-9 kagabie, Abril 23, 2025.

Samtang nag-picture taking na ang mayor kauban ang pipila nga residente sa lugar, didto na sila gipamusil sa mga wala mailhing suspek.

Kauban nga namatay sa insidente ang duha ka close aide ni Mayor Ruma.

Gidala pa kini sa ospital apan gideklara na kining dead-on-arrival sa mga doktor.Nagpadayon gihapon ang hot pursuit operation sa kapulisan og ang imbestigasyon sa mga otoridad kabahin sa insidente.