Mayor sa Paris milangoy sa Seine River aron pamatud-an nga limpyo kini aron magamit sa Olympics

Gituman ni Paris Mayor Anne Hidalgo ang iyang saad nga molangoy siya sa Seine River.

Gipahigayon sa mayor ang langoy aron pamatud-an nga limpyo ang suba nga magamit sa Paris Olympics.

Gawas sa paglangoy, ni-dive pa ang 65-anyos nga mayor diin iyang gipanghambog nga nalimpyohan na ang suba.

Usab sa miaging semana ang French Sports Minister nga si Amélie Oudéa-Castéra milangoy sa samang suba.

Ang triathlon event ipahigayon sa suba diin base sa pinakaulahing water testing, taas gihapon ang E.coli niini nga delikado sa panglawas sa mga atleta.