SARANGNI – Gidepensahan ni Maasim Mayor Zyrex Pacquiao ang MP terminal nga ablihan karong adlawa nga kabahin sa mega project sa munisipyo.
Ang letra nga MP gikuha sa pangalan ni kanhi Senador Manny Pacquiao nga nakatampo ug dako sa pagbutang ug pundo samtang kini usa pa ka Senador.
Apan ang tinuod nga kahulugan niini ang Maasim Public Transport Terminal. Gani may gipasa na na matud pa nga resolosyon ang Sangunian Bayan niini kalabutan sa maong pangalan.
Dungan sa pagpasalamat sa dakong blessing nga nahatag ngadto kanila tungod dugay ng nag-antus ang Maasim nga walay tarong nga public market ug terminal hinungdan nga nangutang sa bangko ug P90M aron ipalit ug yuta nga dose ektarya nga butangan sa terminal, public market ug uban pang gambalay.
Kagahapong adlawa gipahigayon ang turn over nga gitambungan nilang kanhi senador Manny Pacquiao, Sarangani Governor Roel Pacquiao ug uabn pa.
Gani magsugod na karong adlawa ang mga biyahe sa van paingon sa General Santos, Kiamba ug Maitum.
