GENERAL SANTOS CITY – Duha ka executive order ang gipirmahan ni Mayor Ronnel Rivera may kalabutan sa African Swine Fever (ASF)
Sumala pa ni Dr. Efraim Marin, ang department head sa City Veterinarian nga ang Executive Order no. 39 mao ang secutiry measures aron nga mabatukan nga makasulod ang mga baboy sa syudad nga walay permit kon asa mamahimo kining kumpiskahon sa ipahigayon nga checkpoint.
Samtang dili lang baboy ang klinahanglanga dunay permit apan lakip na uban nga hayop sama sa baka nga kon walay transport permit dili gayud kini makasulod sa dakbayan.
Samtang ang Executive Order no. 40 mao ang pagmugna na ug ASF Taskforce kon diin siguruhon gayud nga dili na mukatap pa ang ASF sa Gensan.
Nagpahimangno usab si Dr. Marin sa katawhan nga kon adunay namatay nga mga baboy sa ilang lugar dayong ireport sa City Vet aron nga maaksyunan.
