Mayor Pacquiao positibo nga mapasa ang sugyot balaodnon sa franchise sa mga tricycles

GENERAL SANTOS CITY – Positibo si Mayor Lorelie Pacquiao nga mapasa ang sugyot balaodnon sa franchise sa mga tricycles nga unang gibasura sa Sangguniang Panglungsod.

Matud pa niini nga iyang nakahinabi na si Vice Mayor Rosalita Nunez kalabutan niini.

Gikadugang pa nasampit nga chief executive officer nga ang tumong sa prangkisa aron nga legal ang pagpamasahero sa mga tricycle drivers.

Gibutyag pa niini nga gusto gayud niya nga maplastar ang tricycle sa dakbayan nga maoy pangandoy niini sa iyang pagdumala sa dakbayan.

Nasayran nga dugay na ang maong hisgutanan sa syudad kalabutan niini.

Sa nasampit nga sugyot balaodnon kapin sa 1,000 ka franchise ang unang gipangayo nga aprobahan sa SP.