GENSAN– Gidayeg ni GenSan Mayor Lorelie Pacquiao ang mga agi ni PCol. Nicomedes Olaivar Jr, City Director dinhi sa dakbayan.
Matud sa mayor, kon performance ang hisgutan iyang nakita nga gapaningkamot si Olaivar uban sa iyang mga kapulisan nga makatod sa gikinahanglang pagserbisyo ngadto sa katawhan.
Sukad sa paglingkod sa labaw sa kapulisan, sumala ni Mayor Pacquiao gihimo ni Olaivar ang tanan aron masiguro nga hapsay og malinaw ang syudad taliwala sa mga shooting incidents nga natigayon.
Sa pamahayag sa mayor nga bisan asa nga lugar ang adunay gakahitabo nga mga krimen apan dinhi sa dakbayan kontrolado kini og gitutukan sa kapulisan.
Busa sumala ni Mayor Pacquiao nga kung kaya pa malugwayan ang pangatungdanan ni Olaivar sa Gensan iyaha kining buhaton.
Nasayran nga mag-duha ka tuig sa August 11 2025 sa iyang puwesto si PCol. Olaivar.
