GENSAN- Gipasalamatan ni Gensan City Mayor Lorelie Geronimo Pacquiao ang malampusong paghuman sa SRAA 2026 nga gipahigayon sa Sultan Kudarat, diin giila niya ang dakong kontribusyon sa host province sa maayong pagdumala sa maong kalihokan.
Gidayeg usab sa mayor si Sultan Kudarat Governor Pax Mangundadatu tungod sa maayong pag-atiman sa mga atleta gikan sa Region 12, ilabi na sa mga Kabataang nga taga-Gensan.
Dugang pa niya, nagpasalamat siya sa Department of Education sa pagpanguna ni Isagani Dela Cruz ug sa mga magtutudlo nga nagpakita og dedikasyon sa paggiya sa mga atleta.
Gipasidunggan usab sa mayor ang mga kabataang General, coaches, ug ginikanan sa ilang paningkamot nga nakahatag og dungog sa dakbayan.
Tungod niini, giingon sa mayor nga ang mga atleta angayan hatagan og cash incentives isip pasalamat ug pagpasidungog sa ilang nahimo.
