GENERAL SANTOS CITY – Giangkon ni Mayor Jun Sumbo sa Malapatan, Sarangani Province nga malisdan sila sa pagkumbinsi sa mga edaran nga magpabakuna batok sa COVID 19.
Sa iyang pamaghayag nga kini gumikan sa mga pagduda sa uban sa negatibong mga side effects sa bakuna.
Sumala pa niini nga andam siya nga unang magpabakuna oras nga magsugod ang mass vaccination sa ilang lugar aron makumbinsi ang mga tawo.
Giangkon ni Mayor Sumbo nga isip kanhi nagpositibo sa COVID 19 lisod ang iyang naagian busa hugot nga gitambagan ang publiko nga magpabakuna.
Kahibaluan nga nabutang sa delikado ang kinabuhi n Mayor Sumbo sa dihang siya ang nakaangkon og COVID 19.
Karon hugot ang information dessimination nga gihimo sa mga otoridad sa pagpasabot sa katawhan kung unsa ang benepisyo oras nga mabakunahan batok sa COVID 19.
