GENERAL SANTOS CITY – Subli nga nagpahinumdum si Mayor Tessa Constantino sa Malungon, Sarangani Province sa katawhan nga dili magpalusot og produktong baboy gikan sa mga lugar nga apektado sa African Swine Fever.
Kini human nga gipailawom sa culling ang mga baboy sa Barangay Panamin sa nasampit nga munisipyo.
Sumala pa nga gumikan sa kabalaka nga basin kontaminado sa African Swine Fever kon ASF sa nasampit nga dapit tungod may gipalusot nga baboy sa miaging semana gikan sa kasikbit nga lugar nga apektado sa nasampit nga virus.
Hinoon gipaklaro ni Mayor Constantino nga nagpabilin nga luwas sa ASF ang Malungon.
Gapanawagan ang nasampit nga mayor sa publiko nga magmaampingon og magkooperar sa gobyerno nga proteksyonan ang hog indsutry.
Gihingusgan niini nga mahimong responsable og dili angayang magpasulod og baboy buhi man kaha processed foods gikan sa mga lugar nga apektado sa ASF.
Gikadugang pa ni Mayor Constantino nga ang pagpasagad sa usa ka tawo ang maapektuhan ang tibook kumunidad.
Mukabat sa 84 ka baboy ang gipailawom sa culling nga ang mga tag-iya niini ang makadawat og cash assistance gikan sa lokal nga gobyerno.
