Maymay Entrata napili nga mukanta sa theme song alang sa ‘Snow White’ movie sa Pilipinas

Malipayon nga gipaambit sa aktress nga si Maymay Entrata human nga siya ang napili nga mokanta sa Filipino version sa Disney movie nga “Snow White”.

Ang Disneystudio Philippines mismo ang nagpahibalo niini sa ilang social media account nga adunay litrato ni Maymay nga nagsul-ob og Snowhite costume.

Dinhi opisyal nga gipahibalo ang partisipasyon ni Maymay sa Philippine showing sa maong pelikula.

Sa laing post, gihulagway ni Maymay ang DSPh nga nangimbita nga motan-aw sa maong salida atol sa showing niini dinhi sa nasud.

Usa kini ka dakong kalampusan alang ni Maymay aron molambo pa ang iyang karera sa music industry.