May 17 deadline sa pagbaklas sa election campaign posters gipahinumdom sa Comelec

GENSAN-Hangtod na lang ugma, May 17 nga angayang baklason sa mga nanagan nga kandidato sa May 12 midterm Elections ang ilang campaign posters.

Gipahinumdoman ni Comelec 12 Assistant Regional Director Atty. Jose Villanueva nga walay exemption sa mga kandidato, napildi man o nagdaug sa eleksyon, angayang musunod ang tanan.

Subay sa Sec 30 sa Comelec guidelines nga 5 ka adlaw ang gihatag sa poll body sa mga kandidato sa pagtangtang sa mga posters, tarpaulin og uban pang campaign paraphernalia.

Giklaro ni Atty. Villanueva nga apil ang mga gigamit nga social media contents sa mga kandidato ang angayang panason.

Ang mga kandidato nga mapakyas nga mangbaklas og campaign materials ang maatubang sa election offense.