Magapabilin sa ₱43 kada kilo ang maximum suggested retail price (MSRP) sa 5% broken imported rice samtang ginatapos sa gobyerno ang mga kinahanglanon nga proseso alang sa pagtaas sa taripa sa pag-import ug bugas, matud kang Agriculture Secretary Francisco P. Tiu Laurel Jr.
Gipahayag sa ahensya nga ginaplanuhan nga ipatuman sa Enero 16 ang pagtaas sa rice import duties gikan sa 15% padulong sa 20%, sunod sa regulatory ug procedural requirements.
Gipasabot ni Laurel nga sa higayon nga mapatuman na ang mas taas nga taripa, ang lakang himuon kung adunay pagbag-o sa MSRP sa imported nga bugas.
Gimando usab ni Presidente Ferdinand “Bongbong” Marcos Jr. ang upat ka bulan nga moratorium sa imported nga bugas nga nagsugod niadtong Septyembre, aron suportahan ang presyo sa mga mag-uuma sa umahan taliwala sa ting-ulan nga nagsugod niadtong Oktubre.
