Dili lang sa imported nga bugas kon dili lakip na sa ubang produkto ang mamahimo nga pagpatuman sa maximum suggested retail price (MSRP) .
Matod sa Department of Agriculture (DA), mahimo usab kining ipatuman sa ubang mga imported nga pagkaon sama sa mga utanon ug karne.
Matod ni Agriculture Secretary Francisco P. Tiu Laurel, Jr., nakig-alayon sila sa Department of Trade and Industry (DTI) aron padayon nga pangitaon ang mga paagi nga maminusan ang pinansyal nga palas-anon sa mga Pilipino.
Matud pa ni Trade Secretary Ma. Cristina A. Roque nga ipatawag ang National Price Coordinating Council aron pagrepaso sa mga estratehiya sa pagpalig-on sa presyo.
Ang DA nipahibawo nga posibleng i-finalize na nila ang MSRP alang sa imported nga bugas sa katapusan sa buwan aron malikayan ang pagmaniobra sa presyo.
