GENERAL SANTOS CITY – Gipaulawan sa Boston Celtics ang kaatbang nga Dallas Mavericks sa balwarte niini sa Dallas, Texas. Kini human gipildi pag-usab sa Celtics ang Mavs sa ikatulo nga higayon sa NBA Finals, hinungdan nga 3-0 na ang serye, pabor sa Boston.
Sayo nga miarangkada ang Dallas sa unang quarter pa lamang, kung asamihimo ug 31 points, samtang 30 sa Boston. Apan sa sunod nga quarter nalansang na ang Mavs, hangtud nahuman ang dula sa 106-99, pabor sa Celtics.
Nasayang ang 35 points ni Kyrie Irving apil ang mga natabang nilang Dereck Lively II ug Luka Doncic, human gikulang ang ilang team aron makabangon gikan sa mga unang kapakyasan.
Ipahigayon ang Game 4 sa adlaw nga Sabado, June 15 sa homecourt gihapon sa Dallas. Kung makaabut sa Game 5 ang dula mag-atbang sila sa June 18, adlaw nga martes, sa homecourt sa Boston.
