GENERAL SANTOS CITY – Gitimbaya ni PRO 12 Regional Director Marcelo Morales sa hiniusang puwersa sa kapulisan og mga sundalo sa operasyon kagahapon sayo sa Zone 3, Blk 4, Fatima.
Kini bisan ug wala nakabuhi nga buhi ang target nga si Najib Calimba Pundog human nga misukol matud pa kini sa mga otoridad pinaagi sa pagpabuto og pusil atul sa raid.
Matud kang Morales, isog kaayo ug anaa ang dedikasyon sa mga pulis og sundalo sa ilang trabaho tungod gibuhis ang ilang kinabuhi luyo nga peligro kaayo ang sitwasyon atul sa pag-implementa sa warrant of arrest.
Sa iyang pamahayag nga dako kaayong risgo ang gihimong operasyon kung asa daghan unta ang makalas ang kinabuhi lakip na ang upat ka bata nga anaa sulod sa balay kung ugaling mibuto ang granada nga gilabay sa suspek.
Gibutyag ni Morales nga mas maayo unta nga nadakpang buhi ang suspek aron nga masayran ang mga plano sa grupo niini.
Kustodiya karon sa kapulisan ang lima ka tawo nga kabanay sa napatay nga Maute member og bomb expert nga si Najib.
Gipailawom karon ang mga nasampit sa imbestigasyon human ang natigayong raid sa ilang balay.
Sa pakighinabi sa igsuong babaye sa suspek, gibutyag niini nga nasayod sila nga miyembro sa Maute si Naajeb apan dili usa ka bomb expert.
Gibutyag sa nasampit makadaghang higayon nga gisulayan nila og tambag si Najeb nga musurender na sa gobyerno aron dili sila madamay apan.
Sa pamahayag niini, dili sila terorista.
Pagkakaron, anaa sa kapulisan ang igsuon sa suspek nga misis ni Abu Dar nga lider sa nag-re-organize nga Maute -ISIS group sa Marawi.
Gibutyag sa GSCPO nga giandam na ang kasong obstruction of justice og cuddling of a fugitive nga ipasaka sa lima ka kabanay ni Najib.
