GENERAL SANTOS CITY – Wala madakpan sa mga sakop sa Philippine drug Enforcement Agency 12 ang tulo ka mga target suspek gamit ang search warrant.
Kini human nagsinamok ang wala maila nga armadong grupo hinungdan nga nahitabo ang pagbaylo-ay ug buto sa armas.
Gibutyag ni Kat Abad , tigpamaba sa PDEA 12 nga nagpahigayon ug joint operation ang kapulisan, sundalo ug PDEA didto sa Pigcawayan North Cotabato.
Nakaikyas ang tulo ka target apan nakuha usab sa raiding team ang 80 gramu sa shabu nga may market value nga P600,000.00 , usa ka M16, duha ka M14 rifle, shotgun, barret sniper, improvise caliber 50 mga bala ug cash nga P200,000.00.
Nakuha usab ang dose ka gituhu-ang carnap nga motorsiklo sa lugar.
Gituhu-an nga ang naasoy nga mga motor ang gibayad sa pagpalit ug druga nga nahimo nang mudos karong panahuna.
