Dakong kasamok sa kalinaw sa Australia ang nahitabo kahapon, Disyembre 14, 2025, sa Bondi Beach human nga naay mass shooting.
Sumala ni Debmark Sued, Bombo International Correspondent sa Sydney, Australia, talagsa ra ang ingon ani nga karahasan sa nasud, busa labaw kaayo ang pagkahadlok sa mga residente.
Bisan pa man adunay pipila ka insidente sa pamamaril sa Australia, dili kini sama kabangis sa nahitabo sa Bondi Beach nga nagresulta sa daghang pagkamatay. Wala gyud maandan sa mga tawo nga makadungog og putok sa pusil, hinungdan nga misamot ang kahadlok ug kagubot sa komunidad.
Padayon ang imbestigasyon sa lokal nga kapulisan aron mahibal-an ang motibo sa salarin ug masiguro ang seguridad sa lugar. Gi-awhag usab sa mga otoridad ang publiko nga magpabiling kalma ug makig-cooperate sa pagsusi sa insidente.
