Labing menos dose ka tawo ang namatay, lakip ang usa ka suspetsadong gunman, sa usa ka terrorist attack sa Bondi Beach sa Sydney, Australia, diin target ang mga pamilya nga Hudyo nga nagsaulog sa Hanukkah.
Kapin sa 29 ka tawo ang nasamdan, lakip na ang duha ka pulis, nga anaa sa seryoso ug kritikal nga kahimtang.
Gideklarar sa New South Wales police commissioner nga terrorist incident ang pagpamusil ug giimbestigahan kung adunay ikatulong suspek.
Nakaplagan usab ang homemade bombs sa usa ka sakyanan duol sa lugar. Usa ka bystander, nga nailhan nga si Ahmed al Ahmed, gisidunggan ingon bayani human iyang gipugos ug gikuhà ang pusil sa usa sa mga gunman, nga nagluwas sa daghang kinabuhi.
Ang mga biktima naglakip sa rabbi nga si Eli Schlanger, 41, ug usa ka Israeli citizen.
Ang rabbi bag-o lang nakadawat sa iyang ikalimang anak duha ka bulan ang milabay. Gidala sa daghang ambulance crews, lakip ang helicopter ug road teams, ang mga nasamdan sa balay tambalanan .
Ang publiko gi-awhag sa kapulisan nga magpabiling kalma ug malikayan ang lugar samtang nagpadayon ang imbestigasyon.
