GENERAL SANTOS CITY – Mas taas nga suspension of classes ang gipatuman sa Probinsya sa Sarangani tungod dise sais ka adlaw nga magpabilin sa panimalay ang mga magtutungha tungod sa hilabihan kainit nga panahon nga epekto sa El Niño Phenomenon.
Mismong si Sarangani Governor Rogelio Pacquiao ang nag isyu og Executive Order No. 13, Series of 2024 nga nag-deklara sa pag-suspende sa face-to-face nga klase sa Probinsya sa Sarangani sa tanang lebel, gikan karong adlawa Abril 3, hangtud sa Abril 19, 2024 .
Nakig-alayon usab ang buhatan ni Pacquiao ngadto sa DepEd Sarangani aron magpatuman ug online learnings sa mga estudyante
Kini tungod sa nasinatiang tumang kainit sa panahon.
Una ng gibutyag sa weather bureau nga kng dili importante nga lakaw dili na lamang mugawas sa ilang gipuy-an apan kung gikinahanglan man kinihananglan lamang nga magsul-ob ug kalo ug uban pang dagko ug lagpad nga panapton aron ikatabong sa ulo ug ubang bahin sa lawas.
