“Mas makaayo alang kang Pacquiao nga si Coach Buboy Fernandez na ang manguna sa iyang training” – Sports writer at analyst

GENERAL SANTOS CITY – Gatuo usab si Fred Lumba nga mas makaayo alang kang eight division world champion Manny Pacquiao, nga si Coach Buboy Fernandez na ang manguna sa iyang training.

Kini human gianunsyo mismo sa Team Pacquiao nga dili na ang Hall of Famer coach nga si Freddie Roach, ang magdumala sa pagbansay sa Pambansang Kamao, alang sa Pacquiao-Matthysse fight, inay si Fernandez na.

Gibutyag ni Lumba nga luyo nga nakakat-on na ug maayo na usab sa Ingles nga pinulongan ang fighting senator, mas sayon nga magsinabtanay silang Fernandez ug Pacquiao hilabi na nga pulos sila Cebuano, kaysa kang Roach nga gawas nga Ingles, may sakit ug diperensya pa sa pag-istorya.