Nanawagan si Akbayan Party-list Representative Chel Diokno alang sa mas lig-on nga baruganan sa Pilipinas kabahin sa West Philippine Sea human sa bag-ong mga pahayag sa pipila ka Chinese scholars nga nag-angkon may kalabutan sa Batanes.
Matod ni Diokno, importante ang pagpanalipod sa teritoryo sa nasud tungod kay may kalabotan kini sa nasudnong seguridad, seguridad sa pagkaon, ug seguridad sa enerhiya.
Isip kabahin sa pagpalig-on sa kahibalo ug pagpanalipod sa soberanya sa Pilipinas, gisang-at ni Diokno ang House Bill No. 1626 nga nagtumong sa pagdeklara sa Hulyo 12 isip “West Philippine Sea Victory Day.”
Gipasa usab niya ang House Bill No. 1625 o West Philippine Sea Mandatory Education Bill, nga nagtinguha nga maapil sa kurikulum sa tanang eskwelahan sa nasud ang kasaysayan sa kadaugan sa Pilipinas sa international court batok sa mga pag-angkon sa China sa West Philippine Sea.
Matod sa kongresista, pinaagi sa edukasyon ug klarong baruganan sa gobyerno, mapalig-on ang pagsabot sa mga Pilipino sa ilang katungod ug responsibilidad sa pagpanalipod sa teritoryo sa nasud.
