Nagpagawas ug lain laing rekasyon ang world leaders ug international aid agencies sa kasabutan alang sa ceasefire sa tali sa Israel ug Hamas sa Gaza.
Matud ni Spain PM Pedro Sanchez nga importante ang ceasefire deal sa regional stability ug kinahanglan ug lakang sa pag-abot sa two-state solution. Gipasalamatan usab nini ang Qatar, Egypt ug US kinsa nagsilbing tigpataliwala sa pagpatuman sa ceasfire.
Matod usab ni Belgium Prime Minister Alexander de Croo, nga ang Belgium andam nga mutabang ug nanghinaot nga kini ang sinugdanan sa malungtarong kalinaw.
Mipahibalo usab ang Presidente sa European Commission nga si Ursula von der Leyen nga ang kasabutan nagdala og paglaum sa tibuok rehiyon ug nag-awhag sa duha ka habig sa hingpit nga pagtuman sa ceasfire.
Gitawag usab ni Australian Prime Minister Anthony Albanese ang kasabutan isip usa ka makapalig-on sa regional stability ug siya naglaum nga kini maghatag sa katawhan sa Palestine og higayon sa pagtukod pag-usab, pag-organisar sa ilang gobyerno ug pagpalambo sa kaugalingong determinasyon.
