Gikompirma sa Department of Foreign Affairs (DFA) nga mahimo nang makapauli si Mary Jane Veloso karong Disyembre 18.
Matod ni DFA Undersecretary Tess Lazaro, si Veloso moabot sa nasod mga alas 6 sa buntag sa Disyembre 18.
Kahinumduman nga ang 39-anyos nga si Veloso nasikop tungod sa paghupot og illegal nga druga nga heroin nga motimbang og 2.6 kilos didto sa Indonesia niadtong 2010.
Niadtong 2015, gikansela ni Presidente Joko Widodo ang iyang pagpatay tungod sa giingong human trafficking.
Niadtong Hunyo 2023 sa dihang ang iyang pamilya mibisita kaniya sa Yogyakarta ug sa Enero ang iyang pamilya miapelar kang Presidente Ferdinand Marcos Jr alang sa iyang kaluoy.
Niadtong Nobyembre, si Presidente Marcos miingon nga ang Pilipinas ug Indonesia adunay kasabutan nga ibalhin si Veloso sa nasud diin iyang gipasalamatan ang bag-ong Presidente sa Indonesia, si Presidente Prabowo Subianto.
Ang mga ginikanan ni Veloso niapelar nga kun mahimo ibutang siya sa pasilidad nga adunay hugot nga seguridad tungod sa ilang kahadlok sa mga hulga sa international drug syndicate.
