Gipasalamatan ni Mary Jane Veloso si Pangulong Ferdinand Marcos Jr ug Indonesian Prabowo Subianto ug sa tanan nga nitabang aron nga makabalik sa Pilipinas human ang 14 nga tuig nga pagkabillango sa Indonesia.
Miyerkules sa gabiee niaabot si Veloso sa Soekarno-Hatta International Airport pabalik sa nasud .
Kauban niini nga nisakay sa eroplano ang pipila sa mga opisyal sa Department of Foreign Affairs (DFA) sa pagpanguna ni Undersecretary Eduardo de Vega.
Pagabot sa Pilipinas karong buntag mudiretso kini dayon sa Correctional Institution for Women sa lungsod sa Mandaluyong alang sa lima ng adlaw nga quarantine.
Kahinumduman nga nag-atubang og silot kamatayon ang 39-anyos nga si Veloso human kini nakuhaan og 2.6 kilos nga heroin didto sa Indonesia niadtong 2010.
Niadtong 2015, temporaryong gikansela ni Presidente Joko Widodo sa Indonesia ang iyang gikatakda nga pagpatay.
Karong Nobiyembre adunay kasabutan tali sa Pilipinas ug Jakarta nga ibalhin sa nasod si Veloso.
