Gipatawag sa prosecution si Mary Grace Piattos isip usa sa mga testigo sa impeachment trial ni Vice President Sara Duterte aron matubag ang kontrobersiya nga naglibot sa mga resibo sa confidential funds sa Office of the Vice President ug Department of Education.
Matod sa mga tigpamaba sa prosecution nga sila Jay Tolosa ug Zia Alonto Adiong, ang pag-apil kang Piattos sa listahan sa mga testigo naghatag og higayon sa depensa nga pamatud-an nga tinuod ug dili peke ang mga pangalan nga makita sa acknowledgment receipts sa confidential funds.
Una nang migawas ang alegasyon nga ang pipila sa mga nagpirma sa maong mga resibo mahimong mga dili tinuod nga personalidad. Pinaagi sa pagpresentar kang Piattos isip testigo, gilauman sa prosecution nga mahimong klaro ang isyu atol sa impeachment proceedings.
