-- ADVERTISEMENT --
GENERAL SANTOS CITY – Walay problema sa timbang ni pinoy boxer Mark Magsayo ang usa sa mga undercard sa engkwentro ni Sen. Manny Pacquiao batok kang Yordenis Ugas sa Agosto 22, 2021 sa Las Vegas sa Amerika.
Gibutyag sa Bombo Radyo Gensan ni Coach Jeneath Aro, nutritionist ni Mark Magsayo nga gumikan sa pandemnya dili siya makaadto sa Amerika hinungdan nga kanunay ang iyang koordinasyon sa asawa ni Magsayo nga maoy gaandam sa pagkaon.
Sa iyang pamahayag nga walay problema sa timbang ni Magsayo ning higayona kapin sa usa ka semana una ang engkwentro.
Si Julio Ceja ang kaatbang ni Magsayo nga may 32 ka daog, upat ka pildi, usa ka draw og 28 ang knockout.
Samtang si Magsayo ang may 20 ka daog walay pildi og 15 ka knockout.
-- ADVERTISEMENT --
