-- ADVERTISEMENT --
Nakab-ot sa aktres nga si Maris Racal ang iyang unang Best Actress award human siya giila sa iyang performance sa pelikulang Sunshine.
Gipaambit sa aktres sa iyang social media account ang litrato samtang nagkupot sa iyang nadawat nga award nga “Best Lead Performance of 2025” gikan sa Society of Filipino Film Reviewers atol sa 6th Pinoy Rebyu Awards.
Matod ni Maris, dako kaayo og kahulugan alang kaniya ang maong pag-ila ug iyang gipasalamatan ang mga award-giving body nga mipili sa iyang trabaho isip aktres.
Human sa maong kalampusan, daghang pagtimbaya ang iyang nadawat gikan sa iyang mga higala ug kauban sa industriya sa showbiz nga nalipay sa iyang unang major acting award.
