Marine trainee, patay human nakuyapan sa swim training sa Ternate, Cavite

Patay ang usa ka trainee sa Philippine Marine Corps samtang mipailawom sa swim training sa Ternate, Cavite.

Base sa imbestigasyon sa kapulisan, ang biktima nakuyapan samtang anaa sa tunga tunga sa swim training.

Gilayon usab nga gidala ang trainee sa ospital apan wala na kini nakamata.

Sumala sa mga kaubanan sa biktima nga mga trainee usab, walay hazing o pagpanagbuso nga natigayon tungod ang training naka-focus lamang sa physical conditioning.

Pinaagi sa ocular inspection, nakumpirma sa kapulisan nga ang mga pasilidad sulod sa marine base ang luwas ug maayo.

Nagpadala ug pahisubo ang Philippine Marine Corps sa pamilya sa trainee.

Sa karon, ginahulat pa ang resulta sa autopsy nga himuon sa biktima.