GENERAL SANTOS CITY – Nagpahinumdum sa publiko si Maricar Reyes nga mahimong reponsable human sa pipila ka bulan nga pagsul-ob ug contact lenses nga nagresulta sa pagkahospital ug hapit pagka buta.
Sa Tiktok video giangkon niini nga tulo ka adlaw halos dili maabli ang iyang mga mata tungod dose oras nga paggamit sa expired colored contact lense.
Gibate matud pa niini ang kasakit hinungdan dili normal ang pagkatulog apan misamot ang kasakit hinungdan nga nagpa admit sa tambalanan.
HUman sa duha ka oras nga medication nakapauli sa pinuy-anan apan nasinati-an subli ang kasakit hinungdan nga mibalik sa hospital ug gihatagan ug taas nga dose sa painkillers.
Nasayran nga walo ka oras lamang gamiton ang contact lenses apan iya kini nga gipadayon.
ULahi na lamang nasayran pinaagi sa ophthalmologist nga ang contact lenses ang magpugong sa oxygen padulong sa cornea.
Human sa pito ka adlaw nga medication hingpit naayo ang gasgas sa iyang kalimutaw .
