Niapela si Senatorial candidate Rodante Marcoleta sa Commission on Elections (Comelec) nga tugotan ang sayo nga proklamasyon sa mga top-ranking senatorial candidates sa 2025 National and Local Elections.
Sa 4 ka panid nga mosyon nga gisumiti ngadto sa Comelec, gipasiugda sa kampo ni Marcoleta ang iyang ika-6 nga puwesto karon sa senatorial race nga adunay 14,895,858 ka boto.
Base sa Paragraph 11 sa iyang mosyon, posibleng maapektuhan gihapon ang mga kandidato nga ika-7 hangtod ika-12 hinungdan nga nangayo ang kampo ni Marcoleta og dinaliang proklamasyon sa mga kandidato nga klarong naa sa top 6 base sa official canvass returns.
Gawas niini, nangayo usab og katin-awan ang iyang kampo sa Comelec kalabot sa giingong kalainan sa gidaghanon sa mga boto gikan sa transparency server diin nalatid sa mosyon niini nga niadtong alas 1:32 sa kadlawon – nakakuha na matod si Marcoleta og 15,001,038 ka boto, ug sa alas 2:11 ngadto sa alas 14 sa buntag, nipaubos kini sa tanan nga mga boto.
Gikan sa alas 12:23 sa udto hangtod sa alas 4:03 sa kaadlawon Niadtong Mayo 13, natala ang kalainan nga hangtod sa lima ka milyon nga mga boto.
Matud pa sa miaging pamahayag sa Comelec, posibleng tungod kini sa problema sa software sa mga data recipients (media ug ubang grupo).
Si Comelec Chairman George Garcia nipasabot nga posibleng dunay duplicate entries gikan sa clustered precincts nga wala ma-filter sa husto sa pipila ka receiving systems.
