Usa ka adlaw una ang gipaabot nga paghidangat sa mga atleta sa Pilipinas nga misabak sa Paris Olympics, naplastar na sa Manila City Government ang mga tarpaulins sa nagkadaiyang kadalanan, kini isip pagpangandam sa gipaabot nga paghidangat ni Golden boy Carlos Yulo og mga delegado sa Pilipinas.
Si Yulo ang gipanganak og midako sa Malate Manila kung asa gigugol ang dakong parte sa iyang pagkabata sa pagbansay sa gymnastics.
Unod sa mga nakasab-it nga mga tarpaulins sa kadalanan ang pagtimbaya kang Caloy. Una ng gibutyag ni Manila Mayor Honey Lacuna nga maghatag ang Manila City government og garboso nga hero’s welcome kang Yulo lakip sa tanag Paris olympians nga mobalik sa nasud.
Si Yulo ang una nga Filipino athlete nga nakasungkit og duha ka gold medal sa Paris Olympics. Gibutyag ni Mayor Lacuna nga maghatag ug dugang P2 million isip dugang reward para kang Yulo.
Ugmang adlawa, gikatakdang mahidangat sa Pilipinas ang Team Philippines gikan sa Paris.
Ang mga nasampit hatagan ug grand parade kung asa gikatakda usab nga mag-courtesy call ngadto kang Pangulong Ferdinand Marcos Jr.
