Napili si Marcus Jarwin Manalo isip bag-ong presidente sa Association of Boxing Alliances in the Philippines (ABAP).
Gipahigayon ang eleksyon sa ABAP niadtong Miyerkules, Pebrero 4.
Si Manalo, kinsa kanhi secretary-general sa ABAP, ang mopuli kang Robbie Puno.
Si Puno milingkod sa pwesto niadtong 2023 aron ilisan ang namatay nga presidente sa ABAP nga si Ed Picson.
Samtang ang kanhi chairman sa ABAP nga si Ricky Vargas, kinsa nagsilbi nga chef de mission sa Team Philippines para sa 2028 Los Angeles Olympics, gitudlo isip bag-ong honorary chairman.
Lakip sa mga opisyal nga gitudlo mao sila si Raul Daza isip vice chairman samtang si Angelo Vargas ang vice president.
Ang mga miyembro sa board naglakip nila ni Arnel Casanova, Mark Burgos, Emilio Jose Abelita Jr, Oscar Moreno, Reinaldo Bautista Jr, Alfrancis Chua ug ang duha ka beses nga Olympic medalist nga si Nesthy Petecio.
