GENERAL SANTOS CITY – Nagkadaiyang mga performance nga magshowcase og kultura og tradisyon sa Brunei, Malaysia, Indonesia ug Pilipinas ang masaksihan sa mga malls dinhi sa dakbayan.
Kini alayun sa Budayaw Festival nga pormal nga magsugod karong adlawa hangtud Sept. 24.
Matud ni Ismael Pantao, ang head of the event and monitoring team sa Budayaw Festival 2017, mukabat sa 20- 30 ang delegado sa Brunei, Indonesia 15 hangtod 20, 50 hangtod to 60 sa Malaysia gawas pa ang mga delegado sa Pilipinas nga kasagaran gikan sa Mindanao.
Galaum si Pantao nga magmalampuson ang maong international event pinaagi sa suporta og kooperasyon sa publiko.
Kini pinaagi sa pagtan-aw sa mga performance sa mga malls nga libreng masaksihan. Ang gensan ang host sa event apan ang mga delegado ang muadto usab sa pipila ka lugar sa Sarangani aron magperform ug pipila ka community outreach.
Alayun niini, hugot nga seguridad ang ipatuman sa dakbayan ug sa sarangani aron masiguro ang kaluwasan sa mg delegado.
