Nakabati na kita ug mga masulub-on nga istorya nga napatay ang bride ukon groom, apan gipadayon gihapon ang seremonya sa kasal tungod sa grabeng gugma sa nabilin nga partner ug gusto niini nga mag-commit ug dayunon ang ilang plano nga “forever.”
Apan nakabati na ba kamo ug bersyon nga pareho nga napatay ang bride ug groom apan gipadayon usab ang ilang kasal?
Nahitabo kini sa maghigugma nga silang Yang Jingshan, 31, ug Lee Xueying, 32 nga pareho nga
Malaysian nationals.
Kaniadtong Mayo 2024, dungan sila nga napatay tungod nagbaliskad ang ilang sakyanan samtang nagabyahe sa Perak sa Northwestern part sa Malaysia.
Una ang insidente, tulo ka tuig na sila nga magkarelasyon.
Usa ka international referee alang sa Malaysian Dragon and Lion Dance Sports Association si Yang, samtang ang girlfriend usab niini nga si Lee ang naga-trabaho sa usa ka food processing factory.
Hunyo 2 unta plano pa sa boyfriend nga magsaulog sa iyang adlaw nga natawhan sa Thailand kun asa mag-propose usab kini ug kasal sa iyang girlfriend.
Tanan kini ang nahanaw tungod sa trahedya nga nahitabo sa dalan.
Apan, sa pag-istoryahanay sa ilang ginikanan, wala nakapugong bisan ang kamatayon aron nga madayon ang ilang plano.
Kaniadto lamang nga Hunyo 17, gipahigayon ang usa ka “ghost marriage” sa usa ka funeral hall nga gitambungan sa ilang mga minahal sa kinabuhi.
Naghimo ang ilang pamilya ug wedding photo sa duha ug kini ang gibasbasan alang sa ritwal.
Gibutang usab sa ginikanan ni Yang sa obituary nga ‘daughter-in-law’ nila si Lee isip opisyal nga pagdawat niini sa ilang pamilya.
Kahibaluan nga base sa daan nga tradisyon sa mga Chinese, kun ang tawo mapatay ug dili matuman ang ilang wish, dili kini mahatagan ug kalinaw sa pikas nga kinabuhi rason nga nagapakita kini sa ilang buhi nga mga kabanay.
Kini nga pagtuo ang nag-impluwensya usab lakip sa uban nga mga lugar lakip na sa East Asian countries sama sa North Korea ug Japan ignon usab sa kaso nilang Yang ug Lee.
