Mi-atubang sa media ang inahan ni 2-time Paris Olympic gold medalist Carlos Yulo ka-uban si Atty. Raymond Fortun nga mihatag sa iyang pro bono representation aron mabalik ang maayong relasyon nila sa iyang anak nga nabulabog sa publiko human kini unang nagpagawas og pamahayag kalabot sa incentives nga wala matud pa niya gihatag ngadto kang Caloy ug sa wala matud pa ma-angay niining hinigugmang si Chloe Anjeleigh San Jose.
Human sa pagpamulong ni Atty. Fortun, gibasa na ni Angelika ang iyang suwat nga mao na matud pa’y katapusan niyang pagpadayag ngadto sa media kalabot sa bangi karon sa ilang mag-inahan.
Emosyunal niining gipadayag nga mi-abot na sa alarming nga sitwasyon ang ilang bangi nga unta maresolba ra nila sulod sa ilang pamilya apan gisundan na sa tibuok kalibutan.
Aminado kining dili siya perpektong inahan sama ra nga dili usab perpektong anak si Caloy ug sama sa uban, wala usa’y perpektong pamilya dungan sa pagpangayo og dispensa kang Caloy sa iyang nahimo dayong klaro nga wala silya’y laing intensyon sa iyang mga anak tungod og alang lang sa ilang kaayuhan.
Aminado usab kining nasakitan siya sa nahitabo tungod kay ang iyang anak nga buutan niyang napadako, dili na magpagiya kanila nga iyang mga ginikanan.
Nangayo usab kini og dispensa kung sayop man ang iyang pag-ila sa hinigugma niining si Chloe tungod kay dili mawala kaniya ang instinct sa usa ka inahan nga nabalaka.
Bisan og dili na nila nagawungan pa si Caloy tungod kay kaya na
niining mubarog ug magdesisyon sa iyang kaugalingon, gipadayag niini nga abli gihapon ang ilang pinuy-anan pagdawat kang Caloy kung mupa-uli kini, duna man siya’y kwarta o wala.
