GENERAL SANTOS CITY – Wala na gapalit ug isda sa GenSan fishport ang taga Malungon, Sarangani Province.
Matud pa kang Malungon Mayor Tessa Constantino nga didto na sila gakuha ug suplay sa Malalag, Davao Occidental.
Gikadugang pa ni Mayor Constantino nga ilang gipalikay ang mga nagnegosyo ug isda sa maong pasilidad.
Kini aron makalikay sa coronavirus nga giingon nga mitakod sa daghang tawo nga miadto sa maong pasilidad.
Gikadugang pa sa mayor nga nakapahigayon na sila og profiling sa tanan nga nagnegosyo ug isda gamit ang monitoring app aron mamonitor ang ilang biyahe .
Mihangyo pa kini sa mga supplier nga dili una muhatud ug isda sa Malungon tungod dili nila kini pasudlon.
Hinuon kutob sa September 14, 2020 ang maong kamandu-an.
Giangkon ni Mayor Constantino nga lisod sa ilang bahin nga tungod anaa siya sa border sa duha ka region mao nga nagpatuman sa estrikto nga mga patakaran.
Kung may mahitabo m nga local transmission dali matud pa kining matultulan tungod tanan nga tindahan sa lugar ang gagamit na sa giisyu nga ID nga gamiton alang sa contact tracing.
Ang Malungon adunay 22 ka confirmed cases apan duha na lamang ang ilang ginabantayan.
