Gibutyag sa Commission on Elections nga mas gipaboran nila ang mall voting kaysa tradisyonal nga polling places karong umaabot nga eleksyon.
Sa umaabot nga eleksiyon sa Mayo, nakatakdang maglinya ang mga dapit diin makabotar ka sulod sa mall.
Matod sa tigpamaba sa Commission on Elections nga si Atty. John Rex Laudiangco, ganahan gyud ang komisyon nga adunay mall voting.
Iyang gipasabot nga mahimong maminusan ang grabeng pagpamalit og boto tungod adunay mga CCTV camera sulod sa maong mga establisemento.
Ingon man mawala ang kahadlok sa krimen ug pagpanghulga tungod matud niya, adunay mga security guard ug screening sa dili pa mosulod sa mga malls.
Dugang pa, ang tigpamaba niingon nga gipaabot usab nga mas sayon ang proseso sa pagboto sa usa ka indibidwal.
Gipasigarbo niya nga aduna nay mga litrato ang matag botante sa listahan nga gamiton sa mga magtutudlo nga maoy modumala sa adlaw sa piniliay.
Samtang, sa gipahigayong tigom sa Kapisanan ng mga Brodkaster ng Pilipinas , ang tigpamaba sa Commission on Elections nga si Atty. John Rex Laudiangco niingon na ang pagtinabangay aron ipresenta sa publiko kung unsaon nga mahimong responsable sa pagbotar karong umaabot nga piniliay.
